Þú ert ekki sá sem ég valdi

by gímaldin og félagar

/
  • Immediate download of 14-track album in the high-quality format of your choice (MP3, FLAC, and more), plus unlimited streaming via the free Bandcamp app.

     $12 USD  or more

     

1.
2.
3.
4.
5.
6.
7.
8.
02:24
9.
10.
11.
12.
13.
14.

about

gímaldin og félagar consist of:

gímaldin - vocals, h-guitar, keyboards and mouth-harp, banjolin
Gísli Már Sigurjónsson - guitars
Þorvaldur H. Gröndal - drums and backing vocals

To buy a physical copy of the album, write to us at gimaldin@gmail.com

See our videos at gimaldin.com/gimaldin-og-felagar-ny-plata/

credits

released 01 October 2012

Upptaka og mix -- Garðar Þór Eiðsson
Myndlist - Ólöf Björg Björnsdóttir

Check out this remix:
soundcloud.com/gimaldin/sj-s-monar-j-saga-g-maldin

tags

license

all rights reserved

feeds

feeds for this album, this artist

about

gímaldin Reykjavík, Iceland

Electro-midi-pop, Very alt-country, Folk Rock, , Anarchy metall, and so on

Started out as a new wave rocker, turned troubador, turned electro-ambient, then folk, spoken word, then country-ethno-barding, then remixer and back into rock, then blues and some dubbing. Examples of most phases on main site: www.gimaldin.com ... more

contact / help

Contact gímaldin

Download help

Track Name: Stóra planið
Stóra planið

Allir að ana útí stóra planið
Nema ég, og þá fer síst að kárna gamanið
Allir ana á einu spani að plana
Leggja það í vana sinn að plana og plana

En stóra planið finnst mér vera á svo lágu plani
Óvissan öll og reynsla rotuð með níðþungri dagbók
Og keppast við að allir þykjast vita sinn vilja
Æ, góði besti vanaðu þig með þínu planaplani

Allt þetta rím er bara skím
Ef ég nota rím fyrir lím
Þá heldurðu að í ljóðinu sé skím
Ef rýnir þú í rímið sýnir límið hvert ég er að fara
En allar skímarar og planarar eru í besta falli bananar

Og tilveran er sandkorn í lófanum á prinsessu í skáldsögu
Track Name: Bitinn af rollu
Bitinn af rollu

Vatnið í pottinum sauð fyrir löngu
En kartöflurnar eru ennþá útí búð
Ég óska mér að engillinn flýti sér heim
Með steikina og efnið í stúfinn
Því stundin er ögur

En útvarpið segir að hætt var við bæturnar
En þau ætla að kæra og það er allt óvíst enn

Þessvegna skil ég ekki afhverju hún er ennþá úti
Og af hverju hún fór með kúbein og grímu yfir andlitinu

Ég ætla að fá þegar biðin er frá
Allt það sem ég á og allt sem mér ber

Ég hef beðið svona lengi og vonaðég fengi
Mat fyrir mig og englana sem bíða mín heima

Mér finnst að ég megi lifa einsog aðrir
Og þurfa ekki að kvíða því hvort ég á mat
Vonin hún vermir upp óhitað hús
En vonin er orðin einsog hundur sem er bitinn af rollu

Kona með grímu börnin sín kveður
Með kúbein að versla sér mat fyrir jólin
En þeir skutu hana í myrkrinu öryggisverðirnir
Og fengu kauphækkun fyrir afköst í starfi

Og þau sem biðu heima fengu aldrei að vita
Því húsið þeirra brann útfrá potti
Sem gleymdist
Track Name: Það sækir að mér hold
ÞAÐ SÆKIR AÐ MÉR HOLD

það sækir að mér hold
þótt ég hafi löngu fengið nóg
og löngum fengið nóg, og fæ enn
þrátt fyrir allt

allt umfram er of
eða óþarfi, svona þú veist
og þóttaðú getur því treyst
er það yfirleitt annað en þú hélst

áður fyr ég átti sel
einatt ber og kvíslandi
og lífið mitt var yfirleitt um sel
og í öfugar áttir allar hríslandi

það sækir á mig hold
og ég er uppiskroppa með bílastæði
kem ekki einusinni sjálfum mér úr stað
og er þá hvorki fatlaður né feitur

það sogast að mér hold
aðrir láta sjálfsagt sjúga það í burtu
en mér finnst best að láta það kjurt-og
sjá hvort allir aðiljar jafnist ekki út

dvelur selur einn og vel
í velli skellur um skoppandi
heldur selur óvita um hel
elli kelling í hann kroppandi

hver er sína gæfu svíður
og annarra um leið
sá hinn sami síðan svíður
sinnar gæfu þá er hún beið

hver sá undan hverri gæfu svíður
síður svíður gæfa ef er ei
ef þá gæfuleysið ei svíður
skríður enginn heim til sín og deyr
Track Name: Reggjað á Gulaþingi
Reggjað á Gulaþingi

Á Gulaþingi ganga menn til starfa
Galdrarúnir rista og kneyfa öl
En þegnarnir af þúfum reyta arfa
Á þinginu ei eiga á öðru völ

Á Gulaþingi gera menn díla
Sem gagnast oftast engum en sjálfum þeim
Og óánægðir skottast burt og skvíla
Í skrásetjarann sem upplýsir svo heim

Að Gulaþingi vilja flestir fara
Og flytja til þess jafnvel sig um sveit
En sveitin heldur fast í örn og ara
Og allmargir eru bara í leit að beit

Af þinginu fluttar eru fréttir
En fæstum kemur við hvað þar er gert
Í hvaða nefndir hverjir eru settir
Kaupafólki einskis finnst það vert

Á Gulaþingi regluverkið ríkir
Og ráða þeir sem eiga mest í því
Næstu kynslóð skapar lík með líki
Líðan hennar er sjálfsagt eftir því

Lengi hefur Gulaþingið þjónað
En þorrin löngu áhrif, vald og vit
Við höfum þegar kónga marg um krónað
Kanski kominn tími að skipta um lit
Track Name: Það er úlfur
Það er úlfur

Það er úlfur í mér í dag,
mig langar að urra á allt sem ég sé
Það er urgur í mér í dag
Mig langar að ýlfra undan öllu sem ég er

Það er dólgur í mér í dag
Mig langar að kalla einhvern :::::: upphátt
Það er ofsi í mér í dag
Að sálga sálarrónni sem ég er

Holdið rís og gýs
Og springur í dag
Kenndar allar vondar ráði för
Að dúndra alla alla unga
Ég á og fæ
Víst að líst engum jafnvel á það og mér

Það er bredda í mér í dag
Og skass svo illa innrætt að það er allt
Kemur útum rassinn á mér í dag
En Eddu er sama því hún skar af sér eyrun

Og það er perri í mér í dag
Og stúlka í Burberry pilsi fær prík
Og það er líka hræsnari í mér í dag
En hann er miklu verri en allt sem er nefnt

Sálin rís og gýs og springur í dag
Gerðir allar verði með í för
Að tengjast öðrum löngunum er
Markmiðið í nótt
Best að sem flestir komi að því en haldi sig frá
Track Name: Þjóðsaga / Sjö Símonar
Þjóðsaga (Sjö Símonar)

Átti kotungskall sjö syni
Sjö þeir vóru alls ólinir
Hver var sinni gáfu gæddur
Með gáfu hver um sig var fæddur

En aldrei unnu þeir handtak heima
Hengu við eldinn og létu sig dreyma
Sá að lokum kall sig knúinn
Keisara að senda barnamúginn

Keisarans drengir fóru á fund
Fóru og vóru hjá honum um stund
Karl sagði alráði ástandið heima
Að ungarnir lægju og létu sig dreyma

Keisarinn undrandi spurninga spurði
Spurði að því sem að mest hann furði
Hann spurði þann fyrsta hvað farnast þér best
Sá fyrsti hann ansaði, ég setið get hest

Keisara líkar hvað svaraði hann
Kann það að henda ég þarf slíkan mann
Keisarinn þaðan af innti svo annan
Innti eftir því hvað var sérstakt sem kann´ann

Svaraði spurningu sá sem var spurður
Sposkur og sagði, ég svara ef spurður
Við svarið að una, vel keisarinn kann
Kanski ég hafi einmitt þörf fyrir hann

Sá þriðji einnig og fyrirspurn fékk
Framast öf öllu hvað oní hann gekk
Þriðji, af andakt, og andsvar sitt gaf
Svo ógni ekki skipum, ég stilli af haf

Líkaði keisara og mælti við mann
Mætur er snáðinn og kann ég við hann
Þriðja svo fylgdi sá fjórði sem gall
Færið mér konu ég breyti í kall

Sjálfsagt er þörf á, keisarinn kvað
En kanski ekki núna, bíðum með það
Sá fimmti var týndur, og talaði í stað
hans tötrum klædd kerling sem ropaði að:

“sveinninn var holdugur, ég held ég sé pakk”
hún hélt svo sinn veg en sagði fyrst takk
sá sétti hélt rónni og reisti þann dauða
ræktaði bróður úr loftinu auða

keisarinn viðlits ei virti en bauð
að verk sem slík þau hæfa best sauð
eitthvað sem gagnast, á þessari stund
argur hann heimtaði og breyttist í hund

síðstur svo, sjöundi var eftir þann fyrsta
satt og gat hungur slökkt og gat þyrsta
En keisarinn hváði og kveinkaði sér
Hvernig í ósköpunum nýtist það mér?

Kotungsbónda hann kastaði í pytt
Hvolpana búkum af höfuð var stytt
Og bóndinn mælti af munni er hann dó
“Meira er það varla og líkar mér þó”
Track Name: Ég þekki stelpu sem sýslar með rými
ÉG ÞEKKI STELPU SEM SÝSLAR VIÐ RÝMI

Ég þekki stelpu sem sýslar við rými
en hvorki reiknar né kvíslar upp orð
hún mælir umfangslegar andstæður í heiminum
og tilveruna sem gefur þeim merkingu

ég sé henni stundum bregða fyrir á bókasafninu
þegar hún kemur til að graðga í sig nánd
en hún er oftast meira fyrir fjarlægðina
og firðina sem færir okkur nær hvert öðru

en ef hún kemur þá sest hún við borð
og fitlar við bók sem hún tók þegar hún fór útum dyrnar
og engin á milli okkar orð, hafa löngun til eygja
hvað hitt kann að segja og stirðna
og fjarri sér deyja

leitin að hinum í heimininum
að hluta til er spurning um rúm
en hvernig finnurðu þann sem er fjarverandi
en um leið nærri en er líkamlega unnt

farinn ég sest hjá þér einn
og dett útum gluggann og hleyp uppá þak til að pissa
og skunda á fund þinn of seinn
og þú gefur mér tímann við núið að líma´nn
og kossinn er ekta, ekta víma
Track Name: Rassstelpan
RASSSTELPAN

stelpan sem tekur rassinn sinn með sér í vinnuna
og situr á honum þar til hún fer
hún gleymir honum aldrei heima
en gleymir stundum að taka hann með heim
stundum er hún rassinn sinn stundum er hún
ung kona eða stelpa
og rassaskapurinn í bakrúmi
unga konan fær g-streng
en rassstelpan snjóþotu

og ég og hún og rassinn hennar erum vinir
og ég og hún og rassinn hennar erum vinir mínir
og ekkert kemur nokkru sinni upp á milli okkar
Track Name: Ballaðan um íslensku gjöreyðingarvopnin
Ballaðan um íslensku gjöreyðingarvopnin

Eftir leit sem skildi eftir sviðna jörð
Fundu Íslendingar efnavopnin
Óvart og með smá heppni
Klöstruð uppá vegg í Reykjavík
Rytjulegur karl stóð um vopnin vörð
Gamall róni frá öllu skyni skroppinn
Í skeggi sínu með alvæpni
Þeir skáru það af og fundu pólitík

Þeir drógu úr honum tennurnar með naglbít
Úr armkrikunum reyttu reifið svart
Hann rak út úr sér tunguna og þagði
Um nafn sitt og númer og stöðu
Öll rök hans fyrir öðru voru einskisnýt
Þegar þeir sökuðu hann um mikið og margt
En mesta furðu vakti að hann rófuna lagði
Niður og fór með geði glöðu

Næsta laugardagskvöld klukkan átta
Var frá því skýrt á skjá sem ekki er einn
Að skeleggur fundur okkar manna
Hefði afstýrt alveg ægilegri vá
Og öllum þeim sem kynnu´um slíkt að vilja þrátta
Íbygginn sagði ungur sveinn
Að sönnur þótt eflaust mætti betur kanna
Væru fullkomlega augljósar að sjá

En allt sem þarf er allt sem þarf
Og enginn skyldi gefa skýringu
Við hljótum að styðja slíkt hjálparstarf
Heilaga olíuframleiðslustýringu

Leitin hélt svo áfram og næst skyldi finna
Illvirkja að verki hérna heima
Heimamenn skyldu standa vörð um sitt líf
Og njósna stíft og grannt um náungann
Flækingsketti alla þá í gildrur ginna
Sem vafra um í borginni og breima
Láta bremsuna ryðga svo hún verði aftur stíf
Og láta Schengen sjá um þá sem enginn ann

Innflytjendur éta okkur út á gafl
Sagði ráðherrann svo slefandi af spekt
Svo spyrnti hann við fæti og af gólfinu lyftist
Og sveif um þingið yfir höfðum hinna
En við þurfum þá við þurfum ódýrt vinnuafl
Það er allt í senn gott og gæfulegt
En það gagnast okkur ekki þegar slíkt fólk giftist
Það er sjálfgefið að gift fólk vinnur minna

Og hún sem passar börnin þín í leikskólanum
Er múslimi með eyrnalokk og ör
Og engan grunar það að hún ber sprengjubelti
Um magann þar hírast þúsund geitur
Með kóraninn og dúkahníf í skósólanum
Af skóm hún sífellt pantar fleiri pör
Pældu í því er nema von að hundar gelti
Að henni, hún er The Terminator

Fíflið situr við hásætið hátt
Á hækjum sér og er í tilbeiðslu
Efanum gleymir og gleypir hrátt
Við skoðanamótun og framleiðslu
Track Name: Það er ástæða
ÞAÐ ER ÁSTÆÐA

það er ástæða fyrir því að við erum ekki öll blind
við eigum að sjá
það er ástæða fyrir því að við þekkjum á hlutum skil
við eigum að nota þá
og til þess er gott að sjá

og hún svona low level hundastelpa
nær aldrei í þann sem hún vildi

það er ástæða fyrir því að karlmenn eru oft lengi á fætur
þeir eru svo lengi að fá það
það er ástæða fyrir því að konurnar eru á undan framúr
þær þurfa að fara í bað
og öllum er sama um það

og allar þessar low level hundastelpur
sem fá aldrei neina vinnu við hæfi

þú fæddist og deyrð sem þú ert
getur ekki að því gert
þú fæddist með áhyggjur hvert
og hvers það er vert
að vera sá sem þú ert
og hvers þú ert skert
að vera sá sem þú ert
ósnert, ósvert
opnuð ómerkt

það er ástæða fyrir því að allar konurnar mínar fóru í meðferð
þær voru svo óskaplega þyrstar
það er ástæða fyrir því þær voru þurrar þegar þær komu til baka
því þar voru þær knúsaðar og kysstar
og núna eru tvær þeirra kristnar
Track Name: Ulrika Eriksson
Ulrika Eriksson

Ég veit hvað þú heitir
Og hvar þú ert fædd
Veit hvaðan þú kemur
En ekkert hvert þú ferð

Þú heitir Ulrika Eriksson
Og átt afmæli 12 júlí
Einusinni varstu módel
En í dag ertu fullklædd

Við eigum eitt í kommon
Og það er MTV
Ég horfi á það
Og þú ert í því

Mér finnst notalegt að sjá þig bögglast við
Að vera í karakter
En þú veist að þú færð hausverk
Ef þú gnístir svona tönnum

Ég vildi þú værir á morgnana
Þegar konan er ekki vöknuð
Ég fæ engan frið til að horfa á
Meðan hún vill horfa á þáttinn með mér

Ég hef reynt að senda þér ímeil
En hef ekki fengið svar
Ég skrifaði sorgarsálara
Á Aftenposten í dag

Það er erfitt að vera án þín
En ekki einsog konan mín heldur
Ég er ekkert að skoða gegndir á miðum
Það er af og frá

Ég vil bara geta kveikt á MTV
Og haft þul sem er ekki kynóður
Eða vangefinn animalisti
Track Name: Þú ert ekki sá sem ég valdi
ÞÚ ERT EKKI SÁ SEM ÉG VALDI

þú ert ekki sá sem að ég valdi
en víst er að fylgir þú mér
einn í einasta tjaldi
enginn er lengur með sér

uppi sit ég með þig niðri
nályktin þekur öll vit
niðri og geysar illviðri
nagar mig þarsem ég sit

og þú kemur með á dauðsmannsmiða
þú ert í staðinn
umskiptingur, með blóðugan skiptimiða

aldrei þú ferð aldrei aftur
aldrei ert þarsem þú varst
til einskis og alls varstu skaptur
þú ert smellur sem svo hljóðlega brast

þú ert hér, ég losna aldrei við þig
vinur við búum of þétt
innan hvort utan er við sig
ekkert er satt sem er rétt

og þú kemur með á blóðugum miða
sá verður afgangs
sem er ekki til staðar og á engan miða

og engin sem engist um í eftirsjá
sér það sem ég sé ef
hann eða hún horfir á það, aftanfrá

og augun sem að horfa á þig, ekkert sjá
því þau eru hér meðan þú ert með mér
ég tók þau með mér til að sjá
Track Name: Hún er með of stórar hendur
HÚN ER MEÐ OF STÓRAR HENDUR

hún er með of stórar hendur
standa á tíund og plús
það er ónýtt að heilsast
og ónýtt að leiðast
ef hún tekur mig fastan við krossgátu að fást
og augun svo stór eru als ekki of lítil
og brosið um höfuðið hring
ég syng því ég sé
hvað það er auðvelt að þegja
um orðin sem deyja öll þögninni í
og hvort að hún heyri
er svo spurningin meiri
ég vona að hún grípi það lúkurnar í

það er margt að spá í þessum gríðarlegu lófum
löndin í heiminum rúmast þar öll
við förum tæpast í sjómann
ég hugsa að úti sé glíma
módel að líma er vísast bara inn your dreams
en augun þín vitur
í þeim sagan mín situr
og þú passar þau öll fyrir mér
ég fer því ég á þau
þau gleymast vart í þinni geymd
og brosin þín dreymd
eru meðal við eymd
ég bíð þess þú færir mér handfylli af þeim