We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Evul​ö​g

by Eva Hauksdóttir/gímaldin

supported by
Peter L Evans
Peter L Evans thumbnail
/
1.
Fönix 03:21
lyrics
buy track
Fönix Hvers er vert að kunna og skilja hvað þig langar, hvert þig ber? Ef þú þekktir eigin vilja einfalt reyndist lífið þér. Þegar þú sérð fuglinn fljúga fjöllum ofar, mundu það að alltaf mun hann aftur snúa á sinn gamla hreiðurstað. Fornra þjóða eiga fræði fugl sem æðra frelsi kýs og þótt í eldinn beint hann æði úr öskunni hann aftur rís. Þótt hann brenni bálið heita birta sólar dregur hann, eins og þá sem logans leita, lífið sjálft þeim fugli ann. Þér í hjarta þrálátt tístir þessi fugl sitt frelsisstef og veröldin að vonum þrýstir vinarkossi á þitt nef.
2.
Heilræðavísa 04:46
lyrics
buy track
Heilræðavísa Ef þig svíkur andans kraftur ekki hætta, reyndu aftur, hugurinn ber þig hálfa leið hitt er nám og vinna. Þér yrði sjálfsagt gatan greið ef gætirðu kvartað minna.
3.
Hrafn og dúfa 02:43
lyrics
buy track
Hrafn og dúfa Flýgur í hring yfir haug hugar við dögun og húm ætis að eilífri leit. Hrafn er minn hugur og hungrar í þig. Hvít svífur dúfa yfir dal. Flytur hún lofgjörð um líf, friðsemdar fegursta mynd. Svæfir þín sála mitt sársaukabál.
4.
Kvæði handa Pardus 04:42
lyrics
buy track
Kvæði handa Pardus Þú eik með styrka grein og stofninn breiða sem stendur keik er næðingsvindar hvína og laufgast sumarlangt við götu mína að lokum mun þér tímans fúi eyða. Þú græna strá er vætu úr sverði sýgur, og svalar daggartári grjóti hrjúfu fótum troðið, fast á sömu þúfu þú fölnar loks og dautt til jarðar hnígur. Og þú sem forðast heiminn hætturíka og hólpinn situr kyrr í eigin helsi þú þekkir hvorki fullnægju né frelsi í flatneskju þín ævi endar líka. Þér finnst það sjálfsagt furðulegt og galið; í falli sérhvers manns er líf hans falið.
5.
Lofgjörð 03:17
lyrics
buy track
Lofgjörð (þýðing á To Be Grateful) Eins og gleði barns sem vorsins undur nærir allt hið smáa í veöldinni hugann hrærir, náttúran er leikfang mitt og list, lífið fagurt. Sólin fyllir hjarta mitt svo flóir yfir fögnuði og kærleika til alls sem lifir, söngur minn er þakkargjörð til þess, það er fagurt. Allar góðar vættir hafa vakað yfir mér Veröld, berðu almættinu lofgjörð mína. Bruma tré í lundi, sjáðu blómin gróa, börn að leik og lífið vakna um fjöll og móa. Ó hve dýrðlegt er að vera til, allt er fagurt.
6.
Pandóra 03:12
lyrics
buy track
Pandóra Í nótt, þegar vötnin vaka og vindur í greinum hvín og þúsund raddir þagnarinnar kvaka hve ég þrái að opna sálar minnar skrín. Og leysa úr viðjum angist, sorg og efa uns ólguveður hvata minna dvín. Og ást mína drepa úr dróma eitt dulbúið sálarmein, þá frelsissöngvar feigðarinnar hljóma meðan fuglinn situr kyrr á birkigrein. Þar hreiður sitt hann sterkum grösum greipir sem græða þúfu, moldarbarð og stein, við djúp minna dularsýna um deyjandi fjallajurt. Þó vil ég ekki opna vitund mína því að vonin gæti líka flogið burt.
7.
Sálmur 04:46
lyrics
buy track
Sálmur Þótt ríki í heiminum harðræði og stríð skal hjarta þitt friðhelgi njóta, í kærleikans garði þú hvílist um hríð og hversdagsins þjáningar standa til bóta. Veröldin sýnir þér vorgrænan skóg svo vitund þín unun þar finni og góðvildin, blíðan og gleðinnar fró gróa í hugarró þinni. Í garðinum vaxa þau vináttublóm sem von þína á hunangi næra og aldreigi þurfa að óttast þann dóm sem árstíðasviptingar jörðinni færa. Þín blygðun er ástinni óþurftargrjót sem uppræti heiðarlegt sinni, svo breiði hún krónuna birtunni mót og blómstri í einlægni þinni. Með auðmýkt skal frjóvga þau fegurðarkorn sem falla í jarðveg þíns hjarta. Í dyggðinni vitrast þér vísdómur forn og val þitt mun samhygð og örlæti skarta. Þó læðist að vafi, um lostann er spurt ég læt mér það nægja að sinni, að nefna þá staðreynd að nautnanna jurt nærist á ástríðu þinni.
8.
Næturljóð 03:27
lyrics
buy track
Næturljóð Mild, hljóð, ljúf, læðist nóttin inn um gluggann. Hlý, mjúk, þung, læðist nóttin inn í hugann. Og hún sveipar mig værð og hún fyllir mig friði og augunum lokar svo enginn mig sér. Og hún gefur mér tóm til að syrgja og sættast við frumstæðar kenndir sem krauma í mér. Því myrkrið er mjúkt og í mýkt þess er varin sú mynd sem í birtingu brotnar sem gler.
9.
Morgunsól 02:25
lyrics
buy track
Morgunsól Er ég vakna við morgunsól, verma geislar hennar augnlokin og flæða inn í huga minn. Birtu stafar á brumuð tré, brjóta knappa þeirra laufin græn og ilma af ferskri morgunbæn. Fuglar flytja sinn dýrðarsöng, fljúga heim í mó með grös og strá, í lautum flétta hreiður smá. Syndir lonta í silfurlæk sólarkossum stirnir tæran hyl er gárar flötinn af og til. Angar moldin af morgundögg mjúka körfu teygir blóm mót sól og blærinn strýkur grund og hól. Greiðir stúlka sitt gullna hár geislar augna hennar verma brá og vekja í mér nýja þrá.
10.
Sálumessa 02:06
lyrics
buy track
Sálumessa Af mold ertu kominn til moldar skal hverfa þitt hold og hvílast í ró fjarri eilífð og upprisudómi en af hverju grátum við dauðann og greftrun í fold ef sálin án líkama svífur í tilgangsins tómi? Og hver er þá tilgangur andans ef hold verður mold og tilgangur holdsins ef tengslin við sálina rofna? Eitt annarlegt faðmlag í myrki á óræðum stað svo holdlega andlegt mun aftaka vafann um það; af mold er mitt hjarta og býður þér þreyttum að sofna.
11.
Stjörnurnar hennar Rebekku 02:55
lyrics
buy track
Stjörnurnar hennar Rebekku Nú hylja skýin himins stjörnur sýnum og helgrá fjöllin sveipa þokuslæður. Á þorpið herjar hríðarbylur skæður og hrekur lítinn fugl úr garði þínum. Í mannsins heimi finnst þó fegurð síður, þar fyrir völd og gróða berjast bræður og fjandinn sjálfur flestum ríkjum ræður er fátækt, stríð og spilling húsum ríður. Þó áttu sjálfa veröldina að vini því verðugt er að líta jörðu nær þá fegurð sem við fætur þína grær, í garðinum, frá götuljóssins skini glitra allt um kring og undir skónum þúsund stjörnur, þér til gleði, í snjónum.
12.
Tvennd 04:13
lyrics
buy track
Tvennd Nautnin er kát. Hlátrar úr lófunum streyma, ljúfstríðir lokkarnir flæða. Snertir mig augum. Snertir mig eldmjúkum augum. Sektin er þung. Bitþöglir kaldkrepptir hnefar, hnúturinn sígur við hnakkann. Lítur mig augum. Lítur mig íshörðum augum.
13.
Sálmur handa Soffíu 01:21
lyrics
buy track
Sálmur handa Soffíu Það gerist eitthvað gott hvern dag svo gríptu færið, nú er lag að setja markið hátt og hefjast handa. Á hamingjunnar heillabraut mun heppni falla þér í skaut og hjálp þér hlotnast brátt í hverjum vanda. Ef allt þér mistekst mundu þá, af misförunum læra má og firnamikill kraftur fylgt því getur. Þín bíður dag hvern blessun ný þótt búin sé sem flákaský og er þú reynir aftur allt fer betur. Svo gefstu ekki upp þótt gefi á það getur ekkert stöðvað þá sem keppa að nýrri dáð á hverjum degi. Velgengninnar vegslóð er vörðuð hindrunum en þér mun auðnast ráð að ýta þeim úr vegi.

about

Ljóð Evu Hauksdóttur og tónlist eftir gímaldin

Check out this extra mix:http://soundcloud.com/gimaldin/lj-fyrir-fylgjendur-g-maldin

credits

released December 19, 2012

license

all rights reserved

tags

about

gímaldin image

gímaldin Reykjavík, Iceland

Electro-midi-pop, Very alt-country, Folk Rock, , Anarchy metall, and so on

Started out as a new wave rocker, turned troubador, turned electro-ambient, then folk, spoken word, then country-ethno-barding, then remixer and back into rock, then blues and some dubbing. Examples of most phases on main site: www.gimaldin.com ... more

contact / help

Contact gímaldin

Streaming and
Download help

Redeem code

Report this album or account

If you like Evulög, you may also like:

Bandcamp Daily  your guide to the world of Bandcamp

On Bandcamp Radio

Featuring Riley Pinkerton (aka The Rat Queen) from the theatrical NYC rockers, Castle Rat.
listen now